OYAG KAREMBONG 2

Read more »

KESENIAN DEBUS

Read more »

KESENIAN DEBUS

Read more »

OYAG KAREMBONG 1

Read more »

RAJAH KITANI

Rajah kitani

kaula bga pacul di juru imah

sarng tekad dina jero dada

dua nana di jieun tina waja

serenkeun ka kaula tanah anggar

ngabaketrat ku kesang anu nga reclak baris robah jdi letak

montong kaula di bibita ku emas anu aya dina luhurn kerta

nu saukur nga bebenjo budak ogo

tekad kaula pantrang luntur

pacul kaula tara mintul

kaula kekeh teu suka lmun leuit ladang tanaga di gunasika duruwiksa

Read more »

NYAI

Nyai..! 

Bulan nu ieu keneh
Nu harita nyaksi ku sumiratna
Pataremana rasa
Pataremana bagja
Rasa nu urang
Bagja nu urang

Nyai..?
Peuting ieu
Sawangan bagja harita
Bet eces narembongan
Minuhan gua garba
Mingkin lami mingkin anteb
Nyeceb na guligah na rasa
Nyeuseuitan simpena ati
Sedeng bulan
Geus tilem na gumplukan mega..

Read more »

BURANGRANG

Dina liuh linduhna gunung nyimpeun kaendahan

taman asri nu paranti melak panghareupan

Burangrang nu jadi pusaka midang

ajen diri kabagjaan

Dina jentulna gunung nyimpen mustika

Dina simana gunung nyeungceumkeun panghareupan

Kembang Burangrang nu keur mangkak birahi

ligar mekar ditaman hate

nyeungitan sajagat raya

sumiratna layung gunung

nyaangan kanu keur mangkak ligar

kembang burangrang mustikna istri sajati.

Read more »

TIBELAT KULAYUNG KONENG

Tibelat kulayung koneng

basa wanci keur tunggang gunung

sariak layung nu uwung" mawa hibar katresna

cahyana mubyar campur jeung kingkilaban.

Girimis nu jadi simpay katresna...

tujuh rupa katumbiri nu nyaksi melengkung ti kahiangan nutug leuwi

hujan kembang sumawur ninggang lemah

di jajap ku Widadari lungsur muru tampian

seja ngadaon siram di leuwi sipatahunan...

Read more »

SUMERAH DIRI

,Langit angkeub nyimutan raga.. hiliwirna angin nyecep kana sanubari..,hujan nu teu euih euih, kawas nu nyarengan kapeurih.., taya sariak layung..,taya laratan ki janggala.. 

Iraha waris kasorang, galindeng rasa kawas waktu harita.., pamohalan..

samenit ganti, sajam robah..

reup peuting, bray beurang..

taya karasa tapakna..

rumingkang di bumi alam, darma wawayangan..

bakal mulang, bakal balik.. sadaya kanu kagungan..

Nun gusti..

Hapunten diri anu teu surti..

raga nu salah milampah..

Jembar manah abdi sumerah..

Read more »

Tepung Munggaran Dina PASKIBRA

mimitina nyidik-nyidik
lila-lila hayang deukeut
sura-seuri ngajak seuri
geus deukeut sok silih teuteup
panon diadu paneuteup
bari haténa degdegan
rék nyarita teu wani pok
mungguh keur séngsérang panon....

Teuteup anjeun nu leleb anteb ...
Imut anjeun nu matak nanceb...
Raray anjeun marahmay leleb...

Tepung munggaran Harita Dina PASKIBRA..
Anjeun kabengbat ku ungkara munggaran..
Aya guligah rasa nu mapayan...

Imut gelenyu teu kawakca...
Mung ungkara basa nu kabaca...
Mapay rasa nu nyaliara diantara ieu soca...

Read more »

Katresna Nu teu Kapibanda

Katresna anu kantos di titipkeun
Antawis urang duaan
Basa harita..
Medal asih nu mimiti ka raos
Lengkah kahirupan aya dina kabagjaan
Nalika ka asih sanes ukur basa
Mimiti nyandak janji mustari
Urang ngedalkeun kanyataan
Waktos nu terus mapay hareupan
Nembe ka uninga..
Yen anjeun saleresna tos aya nu mi boga
Cinta ukur sapada carita rasa
Anjeuna ilang tanpa carita
Duka kamana
Mung ukur nyandak waas nu taya padana
Gusti nu maha suci parantos masihan waktos
Kanggo urang silih mi asih
Mitresna sanaos teu tiasa mi boga
Hampura sanes miceun janji balaka
Ayeuna ukur tiasa masihan pidu'a
Mugia salira... Dimana,, sareng saha ayeuna
Mendak bagja kalimpud Rahmat ti Mantena
Abdi ikhlas tumarima
Nagkeup ka tresna anu ka tunda..

Read more »

Syukur

Puji syukur kasanghyang agung

Sumerah raga kanu maha kawasa

Tina sagala nikmat nudipaparinkeun ku gusti numaha suci

Masih dipasihan yuswa dipercanten kumelendang di alam dunya

Masih dipasihan soca nu awas ninggali kaendahan

Masih dipasihan pangdangu nujentre

Masih dipasihan awak nu jagjag waringkas kangge sujud syukur kamantena

Gunakeun waktos nu samporet ieu kangge ngumpulkeun bekel jaga di akherat nu kekal salawasna

Mun keur dudunya harepan hirup sarebu taun

Mun keur ibadah inget maot isukan

Mungguhing Alloh nu maha uninga kana rengkak paripolah mahlukna

Read more »

** SAMAGAHA **

Bulan di langit ngaleungit

meureun disumputkeun naga

bumi alam poék mongkléng.

barudak récét di buruan

sorana patembalan

Samagaha... ! Samagaha... !

Aya kahariwang

dina haté séwang-séwangan

bulan sirna...

Ting berebet barudak ka pipir imah

tutunggulan dina lisung

rampak narakol kohkol

ngusir naga sina nyingkir

naga nyingkah...

bulan ngempur

bumi alam caang deui.

Read more »

Nongtoréng

"Pinter, bener dibarengan laku jujur, sarat nu utama pikeun nu gedé nu leutik sangkan hirup pinanggih jeung kamulyaan. Jaga, hidep bakal panggih jeung kahirupan anu leuwih pait batan kahirupan urang ayeuna, ngan sing sabar. Lakonan bari tawakal, pasrah ku tarékah bari teu kendat ngadu'a, Insya Alloh !". Pokna bari ngusapan sirah nu tungkul nyumputkeun keyembeng nu bedah teu katadah.

"Poma, tong dipaké leutik haté sok komo pegat pangharepan, sanghareupan, hidep henteu nyorangan. Indung jeung bapa ukur cukang lantaran". Rénghap beurat, teu leupas ngusapan.

Nyu'uh na lahunan, teu papanggih deui, ukur keclak mangsa ngolébat.

Read more »

PEPELING PRABU TAJIMALELA

Hanya, bagi, dan teruntuk orang-orang yang berPIKIR

Mari kita NGEUNTEUNG

PEPELING PRABU TAJIMALELA

Praburesi Tajimalela (Panji Romahyang) adalah pendiri Kerajaan Sumedang Larang berkedudukan di Gunung Tembong Agung disebut pula Mandala Hibar Buana (kropak 410), segenarasi dengan Prabu Ragamulya , penguasa Kawali (1340- 1350 M); (Rintisan Penelusuran Sejarah Jawa Barat Jilid Keempat. Pemda Jabar 1983-1984)Dalam ilmu KASUMEDANGAN , tokoh ini menjadi pusat kearifan. Apa dan bagaimana karakter yang harus dipunyai seorang SATRIA (dalam lingkup khusus: Pemimpin); saya salin selengkapnya dari karya tulis stensilan berasal dari Musium Prabu Geusan Ulun, bertitimangsa 31 Juni 1995, berasal dari R. Gandi Soeria Danoeningrat, yang berasal dari R.A.A Soeriadanoeningrat, tidak diketahui siapa penulisnya dalam bentuk puisi Pupuh Asmarandana.

ASMARANDANA
1. Ciciren satria leuwih,pageuh nyekelan jangjina,tara ngawangkong ngabohong,sumawonna pala cidra,estu bener ucapna,kasanggupna ana metu,dibelaan pegat nyawa.
(Ciri seorang satria sejati, teguh memegang janjinya, tidak berbicara bohong, tidak pernah ingkar janji, benaryang dikatakannya, kalau sudah menyatakan kesanggupannya, berani membela sampai mati)

2. Ciciren satria leuwih,boga bakat tumarima,katambah leber wawanen,dina ngabelaanana,ka sasama ka dunungan,ka sakur nu enggeus nulung,ku sagala kahadean.
(Ciri seorang satria sejati, berkesadaran ikhlas hati, dan penuh keberanian, rela membela sesama manusia dan kepada atasan, kepada siapa saja yang pernah memberinya pertolongan, dengan segala cara kebaikan).

3.Ciciren satria leuwih,boga bakat karunyaan,estu resep mere maweh,nulungan ka nu sangsara,melaan nu tanpa dosa,hirupna pikeun tutulung,resep kana kaadilan.
(Ciri seorang satria sejati, mempunyai rasa belas kasihan, senang memberi dengan tulus hati, menolong orang yang sengsara, membela orang yang tidak berdosa, hidupnya diperuntukkan untuk menolong, menyukai kepada keadilan).

4. Tara bedegong cirigih,teu adigung adiguna,estu pahing nyebut "dewek"lemes budi basana,matak sugemaeun semah,babaturan pada lucu,resep ku prakprakanana.
(Tidak keras kepala dan tidak berkelakuan menyebalkan, tidak sombong merasa paling hebat, tidak pernah mengatakan "dewek/gue", halus budi bahasa, menimbulkan kebahagian para tamu karena kehangata/keramahannya, teman-teman menyenangi, menyukai perilakunya)

5. Tah kitu bakat sajati,jauh tina pangarahan,beunang disebut bolostrong,teu aya pikir rangkepan,ucap hate estu bruk-brak,teu nyieun budi salingkuh,teu hayang senang sorangan.
(Begitulah karakter sejati, jauh dari pamrih bagi diri sendiri, dapat dikatakan lugu apa adanya, tidak ada pikiran yang bukan-bukan, perkataan dan hati sungguh-sungguh terbuka, tidak menyembunyikan sesuatu/salingkuh, tidak menginginkansenang sendiri).

6. Tah kitu piwuruk aki,patokan ka-Sumedangan,babakuna handap asor,mitutur kasatriaan,make duduga peryoga,nyingkahan ujub takabur,teu agul ku kapinteran.
(Begitulah nasihat Aki, patokan/ajaran ka-Sumedangan, yang terutama adalah sopan santun, hormat, menurutiperilaku satria, menggunakan kearifan/kebijaksanaan, menjauhi keangkuhan dan takabur, dan tidak sombong karena merasa diri pandai).

7. Iyeu pepeling iseli,dawuhan Taji Malela,ngawuruk putra tur alon,samulih putra peperang,anu meh kasoran,sanajanna Gajah Agung,apes lantaran suaban.
(Ini adalah nasihat yang sebenarnya, ucapan/diucapkan Taji Malela, menasihati puteranya dengan suara yang lemah lembut, setelah puteranya pulang berperang, yang hampir saja perangnya kalah; meskipun Gajah Agung itu sial karena ketakaburannya/ sombong).

#Copas ti Tangtungankujang

Read more »

Didinya Cenah

didinya dina mumunggang rasa aya katresna nyaliara ngagalura,didinya dina runggunukna pasir aya kaasih...

hanjakal rasa tresna peuray sapada harita kabandang asih nu lian...jangji pasini nu majar cnh bde saati,sirna...

harepan ilang bareng jeung peunggasna rasa kaheman...

nu kantun cuang cieung nunggelis bati lumengis,,,

panutan...kuharianeun...

Read more »

Tresna Kasalira

Tresna ka salira, ngamalirkeun rasa anu kungsi urang saeur, ngarangkidak ngadaun ngora, nyirungkeun pucuk duriat, nyamuangkeun harum kembang asih di patamanan kaheman, urang lulumpatan silih oconan, silih dudut salendang rasa, silih usap karinding asih, silih baledog teuteup, geugeut ...... reg anjeun ngarandeg, lumpat nukang ilang di wates tenjo ......., naha ...... ?,

Read more »

Tembang Sumbang

imutna matak kairut

teuteupna panghudang geugeut

imut anteb jeung teuteupna

lir asihna dewi ratih

miasih narik pasini

jangji saati ngahiji

ngan boa asih keur saha

da gening tembangna sumbang

Read more »

Rasa Kaheman

kaasih kungsi kasilih

katresna kungsi kaselang

teu jadi ngurangan rasa kaheman

geugeut,deudeuh estu pageuh

tetep nganteng mung keur anjeun...

panutan...diri nampi....

anjeun tetep mulang deui kana lahunan...

Read more »

Tengah Peuting

mangsa lilir tengah peuting

ngulisik bari gigisik

pangacian can sampurna

kasaput ku rasa tunduh

nu mulen na lelembutan

nyah beunta...

ret kana jam nu angger tuk-tek disada,horeng gening gs jam dua

meujeuhna janari leutik...

kaayaan simpe,rehe...

anteng dina impianna sewang-sewangan.

Read more »

Masih Aya Keneh??

Na, masih aya kénéh..

Rasa deudeuh nu cenah cukup keur kuring,

Na, masih haat kénéh, siram geugeut nu cenah pinuh kahéman, 

Da geuningan binih tresna tinebar, barung nyaahna,

Kalah mugur pepetétan, bororaah jadi kembang.

Impian rék sauyunan, ngarandeg ditengah jalan.

Lamun enya, anjeun téga 

Moal deui miroséa,

Tilam sono nu ngamparan, rék dilulun

Ditilepan.

Panto haté pageuh ngonci.

Moal arék muka deui..

Read more »

PEPELING

Anaking … jimat awaking ...

Heunteu gampang nalika nyorang jalan kahirupan, moal salawasna cicing dinu datar, tinangtu bakal pinanggih wanci mudun jeung tanjakan, kudu sabar hidep nalika kurang tur omat ulah nepak dada benghar, adigung adiguna, asa aing uyah kidul, agul kupayung butut!! ” Omat hidep bisi kupur, kudu eling kanu Maha-Gafur, nyembah kanu maha kawasa, turut kana papagon agama nyumpona..parentahna ngajauhan larangan nana, Tah iyeu anaking pepeling keur diri papatah keur awak, badan sakujur inggis laku lampah nincak salah.

Read more »

Kagungan Gusti

Gusti....

pan sadayana ge kagungan Gusti

Gustimah Nu Maha Adil

moal cueut kanu hideung moal ponteng kanu koneng

sadaya estu tunggaling mahluk Anjeuna

sadaya ukur tarekah Anjeun nu nyubadanan

ieu lengkah lumampah nuturkeun Qudrat Iradat

kandeg.....

laju......

dina widina Salira,

taya ungkara nganaha-naha

mung ukur dumeuheus ku pangdunga

walatra dina kanyaah nu paripurna.

Read more »

Bulan Pias

Lalaunan bulan pias ngarayap muru panca tengah
seja ngalanglang padumukan maranti juru peuting
teu kalis lalangse mega bodara nyegat lumampah
Najan bayu peteng tigin tulaten niupkeun walakaya

Pertela ngembang boled sulintang damar kaanginan
singhoreng niat...pikir...tekad...ucap, sakilat puyarna
Cileuncang cikeneh geus patepung jeung sagarana
bakal mopohokeun kamalir nu satia marengan simpe

Read more »