Bulan Pias

Lalaunan bulan pias ngarayap muru panca tengah
seja ngalanglang padumukan maranti juru peuting
teu kalis lalangse mega bodara nyegat lumampah
Najan bayu peteng tigin tulaten niupkeun walakaya

Pertela ngembang boled sulintang damar kaanginan
singhoreng niat...pikir...tekad...ucap, sakilat puyarna
Cileuncang cikeneh geus patepung jeung sagarana
bakal mopohokeun kamalir nu satia marengan simpe